Shitjet e pronave rezidenciale në Turqi janë dyfishuar në maj. Të dhënat zyrtare të publikuara nga Instituti i Statistikave turke tregojnë se janë rritur blerjet nga të huajt, ndërsa kryesojnë rusët.
Masat e bllokimit për të frenuar pandeminë e koronavirusit në maj të vitit të kaluar kishin parë rënie të shitjeve.
Të dhënat treguan gjithashtu se shitjet me hipotekë në maj u rritën 177.8% nga një vit më parë duke zënë 23.9% të totalit të shitjeve në po të njëjtën periudhë.
Rritja vjen në mes të rënies së ofertës dhe rritjes së çmimeve, por familjet vazhdojnë t’i shohin pasuritë e paluajtshme si një mjet investimi tërheqës për të mbrojtur veten nga inflacioni që shkon në nivelin më të lartë të 24 viteve prej afro 73.5%.
Nga janari deri në maj, shitjet u rritën me 37.7% nga viti në vit në 575,889 shtëpi.
Qytetarët rusë kryesuan sërish listën në maj me 1275 shtëpi, nga 1152 në prill dhe 547 në mars.
Ata u pasuan nga iranianët dhe irakenët me përkatësisht 736 dhe 617 shtëpi. Sipas të dhënave, rusët dhe ukrainasit përbënin më shumë se 25% të shitjeve për të huajt.
g.kosovari
