Dy turiste tuniziane kanë humbur rrugën këtë pasdite në Valbonë. Mësohet se bëhet fjalë për dy gra të moshës 41 dhe 46 vjeçe.
Njoftimi i policisë:
Policia e Tropojës u vjen në ndihmë 2 turisteve tuniziane.
Dy turiste nga Tunizia, të moshave 46 vjeçe dhe 41 vjeçe, duke eksploruar natyrën në zonën e Valbonës, kanë humbur rrugën në një zonë të thellë.
Rreth orës 16:50, turistet kanë njoftuar Policinë, për të kërkuar ndihmë. Menjëherë kanë nisur kërkimet nga shërbimet e Postës së Policisë në Valbonë dhe pas 3 orë kërkimesh është bërë e mundur gjetja e dy turisteve, në vendin e quajtur “Qafa e Valbonës”.











