Mbante leksion me videokonferencë për nxënësit e tij, ashtu siç bënte prej ditësh qysh nga mbyllja e shkollës prej koronavirusit. Më pas papritur, u ndal për disa çaste, u ngrit dhe u largua disa hapa, për të mos u kthyer më.
Të rinjtë që po e ndiqnin online, dëgjuan disa të kollitura dhe më pas heshtje…
Gjeti kështu vdekjen nga infarkti, Fabrizio Borgi, një profesor 58-vjeçar italian.
Banonte në Sant’Elpidio të Mare, në mes të qendrës historike dhe me ikjen e tij la pas gruan dhe vajzën.
Një vdekje e paparashikuar e ndjekur direkt nga studentët e tij, të cilët tentonin dëshpërimisht ta përmendnin duke qenë se tableti me të cilin ai komunikonte me ta ishte i lidhur, raportojnë mediat italiane.
Ishin pikërisht nxënësit ata që lajmëruan ndihmën e shpejtë, pasi pritën disa minuta dhe mësuesi nuk po shfaqej. Në shtëpinë e mësuesit mbërriti ndihma e shpejtë dhe një patrullë policie. Dera e shtëpisë u hap nga gruaja e pastrimit, e cila ndodhej në një dhomë tjetër dhe nuk pa asgjë nga ajo që kishte ndodhur.
g.kosovari
