Nga Eduard Zaloshnja
Specialisti kompjuterik i sondazheve të mija tentoi të realizonte një sondazh anonim ndër protestuesit në bulevard (duke e shpërndarë linkun e pyetësorit përmes BlueTooth ose AirDrop), por rezultoi i parealizueshëm teknikisht – kishte shumë celularë në një hapësirë të ngushtë dhe sinjali ishte i mbingarkuar.
Në mungesë të sondazhit të parealizuar teknikisht live në bulevard, po sjell më poshtë vrojtimet personale të një kolegu sondazhist:
“Dje, rreth orës 19.30, para Kryeministrisë ishin nja 2 mijë protestues. Turmë e lezeçme, ca të rinj modernë, ca familjarë me fëmij, por edhe plot lagjistë të rinj. Pasi pashë pjesën e dytë të ndeshjes Gjermani-Curaçao, shkova me biçikletë te bulevardi, por teksa turma ishte shtuar, ajo kishte ndryshuar…
Çilimij, të rinj, e burra bërtitës; shumë pak vajza, e pothuaj asfare familjarë – të kujtonin turmat që shkojnë drejt stadiumit kur luhet derbi Tirona-Partizani. Njerëz që thjesht kanë qejf të bëhen pjesë e turmës. Dhe thirrja që mbizotëronte ishte ‘Shqipëri Etnike!’ Kurse ata xhajat e zakonshëm shisnin flamurë dhe qeleshe, si para ndeshjeve të kombëtares”
Kolegu im nuk shkoi në rrugën Rinas-Tiranë gjatë bllokimit të saj, por nga përshkrimi i mësipërm mund të hamendësohet se shumica dërrmuese kanë qenë çilimij, të rinj, e burra bërtitës; shumë pak vajza, e pothuaj asfare familjarë
Dy profile të ndryshme të protestuesve të mbrëmshëm
