Sytë e shqiptarëve janë të përqendruar te kombëtarja e madhe kuqezi, e cila do të luajë më 17 nëntor kundër Skocisë, në “Loro Boriçi”, ora 20:45, në kuadrin e Ligës së Kombeve, ndërsa tri ditë më pas në “Elbasan Arena”, ora 20:00, ndaj Uellsit. Kjo e fundit është miqësore. Megjithatë, “ka jetë” edhe në kombëtaret e tjera të futbollit.
Kështu, Erjon Bogdani ka zbuluar sot listën e lojtarëve, që ka thirrur për dy miqësoret e programuara të Shqipëria U-19 me homologen rumune. Të dyja këto miqësore do të zhvillohen në stadiumin “Loni Papuçiu” të Fierit, më 18 nëntor, ora 14:00; dhe më 20 nëntor, në po të njëjtën orë.
Për përballjen e dyfishtë me Rumaninë, Bogdani do të ketë “nën armë” 22 futbollistë, nga të cilët 12 prej tyre aktivizohen në Shqipëri.
/b.d
