Nga Artan Fuga
Endërr turistike për fushatë elektorale
Turizmi do model biznesi dhe fantazi që bashkon pushim me argëtimin dhe formimin kulturor.
Kështu, hajde ngrohu në diell dhe lahu në det s’të vjen njeri…
Ja se çfarë ëndërroj unë që do të tërhiqte pa fund turistë perëndimorë jo gjyhnaqarë shqiptarofolës zbritur pa një lek në xhep nga fshati i lindjes.
Udhëtim në det në territorin shqiptar.
Do e ndalja anijen në Butrinit. Lëre se çfarë mrekullish do u tregoja.
Pastaj përsëri në anije e do të ndalesha te kështjella e Aliut në Tepelenë. Atje kore aktorësh do recitonin Bajronin, etj.
Nëpër det përsëri do zbrisja në Vlorë, drejt e në Orikum ku do vizitoja bazën e Orikumit dhe do të tregoja pa fund historira nëpër shpella piratësh e gjetkë.
Po përpara nuk do lija pa shfrytëzuar gjiret e Jonit ku veç kashtoreve do na prisnin qingja të pjekur e verë në poçe si dikur Uliksi.
E më pas gara me kuaj në pishat e Divjakës.
Do zbrisja në Durrës ku do të shihja ndeshje gladiatorësh për bashkinë e Durrësit te arena e rrënoja klasike. Koncerte pa fund atje.
Drejt e në Laç ku pasi merrja autobuzin do ngjitesha në Malin e Krujës ku do të rrëfeja Skënderbeun…
E pastaj në Lezhe ku do ngjitesha malit për në Bjeshkë…
Kjo tërheq si model, me qindra të punësuar, valutë pa fund, gjallërim i ekonomisë, imazh.
Pse o me plazhe pesëleksha me bukë me vete te bagazhi i audit të vjedhur do bëjmë turizëm ne???
Pse o me urinim në rrënjët e Fikut të detit do bëjmë turizëm ne?
Pse o në plazhe pa drita e ujë do bëjmë turizëm ne?
Mblidheni mo mendjen ! Edhe forcat!
Ç’e duam detin mo?
E shtrëngojmë mos na e marri greku.
Mirë mo mirë, po ne e mbajmë bosh mo. As naftë, as turizëm, as peshk, as gjë pe gjëje.
Thotë greku: O komshi, kot që kot e mban ma jep mua…
Drejt e ka kur e sheh që s’i duhet as dreqit.
I lind dëshira.
Se ne as nëndetëse nuk kemi që t’i nxirrnim njëherë andej e të kapnim peshk me to.
Më mirë t’ja jepnim me qira grekut, a turkut, a qipriotëve, a kalabrezëve, për 100 vjet e të merrnim interesa bankare a ku e di unë përqindje fitimi nga nafta sesa kështu…
Jemi bërë si ato plakat budallaqe që mbajnë në sepete pa përdorur jorganë e çarçafë të mirë, për ndonjë mik që e presin e që tashmë ka vdekur…
Pse e fusim detin në sepete mo???
Pse nuk e përdorim.
Kështu nuk na e ka marrë greku, na e kanë marrë peshqit mo. Pse me grekun inatosemi, me peshqit jo?
*Titulli JavaNews.al
