Instituti Kombëtar i Shëndetësisë Publike të Kosovës, ka bërë të ditur se janë konfirmuar edhe 26 raste me COVID-19, duke çuar numrin e përgjithshëm në 449.
Po ashtu bëhet e ditur se tetë persona janë shëruar. Ndërkaq ditën e djeshme kanë vdekur dy persona të infektuar me COVID-19, duke e rritur në 11 numrin e viktimave në Kosovë.
Më herët, ministri në detyrë i Shëndetësisë në Kosovës, Arben Vitia, ka bërë të ditur se rastet me koronavirus që po paraqiten në spitale, janë gjithnjë e më të rënda.
“Sot më 16 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 195 mostra të marra nga Klinika Infektive, gjurmimi i kontakteve të rasteve në terren si dhe nga karantina në Qendrën studentore.
Me SARS-CoV-2, pozitiv sot janë diagnostikuar gjithsej njëzet e gjashtë (26) raste.
Sipas ministrisë më 16 prill 2020, janë shëruar edhe tetë (8) pacient, bazuar në rekomandimet e OBSH-së ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej shtatëdhjetë e nëntë (79)”, thuhet në njoftim.
Nërkohë dy futbollistë të akademisë së klubit së Ballkanit në Kosovë janë infektuar me koronavirus.
Lajmin e ka konfirmuar vetë klubi në faqen e tij zyrtae. Dy vëllezërit Kolgeci kanë rezultuar pozitiv me COVID-19, por lajmi i mirë është se gjendja e tyre shëndetësore paraqitet e stabilizuar.
“Për momentin mirë janë, dy fëmijët e mi janë me koronavirus. Momentalisht, gjendja e tyre është stabël”, rrëfen babai i dy vëllezërve futbollistë të akademisë së Ballkanit për “Indeksonline”.
g.kosovari
