Dy shqiptarë kanë mbetur të plagosur mëngjesin e ditës së sotme në qytetin francez universitar të Poitiers.
Mediat franceze bëjnë me dije se dy shqiptarët janë therur me thikë, pas një sherri që kanë pasur me dy afrikanë.
Kanë qenë banorët e zonës të cilët kanë lajmëruar policinë, pas thirrjeve të të plagosurve për ndihmë.
“Kam dëgjuar zërin e njerëzve, fyerjet dhe britmat,” thotë një student.
“Dëgjova njerëz që po ziheshin. Unë nuk e kuptoj se çfarë thanë ata, sepse kishin theks të fortë. Flisnin me zë të lartë. Kam dëgjuar një makinë apo një skuter që u largua. Më pas, një grua ulëriste emrin e një personi të plagosur” -tha qiramarrësi i një apartamenti që ndodhej menjëherë pranë skenës së luftës.
Dy shqiptarët janë dërguar në spital, ndërsa mësohet se janë në gjendje të rëndë shëndetësore për shkak të plagëve të marra.
“Kishte shumë gjak”, tha një burim policor, duke shtuar se në lidhje me ngjarjen, policia ka vënë në pranga dy të dyshuar nga Afrika Veriore, të cilët nuk ishin banorë të Poitiers, u arrestuan nga policia.
Ende nuk dihen shkaqet e sherrit mes dy shqiptarëve dhe dy afrikanëve, ndërsa lidhur me ngjarjen policia franceze ka nisur hetimet. /b.d
