Një bombol gazi ka shpërthyer në flakë në zonën e Shkozetit në Durrës, ku për pasojë kanë pësuar djegie një burrë e grua.
“Më datë 22.10.2016, në lagjen Nr.14/1, Durrës, në banesën e shtetasit M.Gj. ka pasur rrjedhje gazi dhe si rezultat ka marrë flakë bombola e gazit.
Për pasojë kanë marrë djegie në pjesë të ndryshme të trupit shtetasit M.GJ. 68 vjeç dhe bashkëshortja e tij, shtetësia M.Gj. 58 vjeçe, të cilët ndodhen në Spitalin ‘Nënë Tereza’ Tiranë, por jashtë rrezikut për jetën”, bën të ditur policia.
Ngjarja është konsideruar si aksidentale, materialet e së cilës i kaluan Prokurorisë së Rrethit Gjyqësor Durrës./a.k
