Shfrytëzonte tre shtetase të mitura për prostitucion, arrestohet në flagrancë autori, ndërsa ka nisur procedimi në gjendje të lirë për një nga viktimat.
Specialistët e Seksionit për Hetimin e Trafiqeve në Drejtorinë Vendore të Policisë Durrës, pas infomacione të marra në rrugë operative, kanë prangosur Gentian Gaxhën, 37 vjeç, banues në Durrës.
Arrestimi i tij u bë pasi Gaxha u kap në flagrancë duke shfrytëzuar për prostitucion tre shtetase të mitura me iniciale S.P. 17 vjeçe, B.A. 17 vjeçe dhe K.Xh. 17 vjeçe, banuese në Durrës, kundrejt pagesës.
Në vijim të hetimeve dhe në bashkëpunim me Prokurorinë filloi proçedimi penal në gjendje të lirë në ngarkim të një prej shtetaseve të mësipërme, konkretisht K.Xh. 17 vjeçe, për veprën penale “Prostitucioni”parashikuar në nenin 113 të Kodit Penal.
Vijon puna hetimore për identifikimin dhe kapjen e personave të tjerë të implikuar në këtë aktivitet kriminal.
Për shkak të hetimeve nuk bëjmë me dije më shumë detaje.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Shfrytëzimi i prostitucionit” dhe “Prostitucioni” parashikuar në nenet 114/ 2 dhe 113 të Kodit Penal./a.m.
