Policia kufitare e Durrësit ka sekuestruar 30 kilogram lëndë narkotike e llojit heroinë e fshehur në një kamion në portin e Durrësit.
Kamioni ku ishte fshehur heroina ishte i ngarkuar me dru në qytetin e Elbasanit, ndërsa shërbente si kamuflim për transportin e drogës.
Lënda narkotike ishte e ndarë në 52 pako dhe e fshehur në kabinën e automjetit. Policia ka arrestuar drejtuesin e kamionit Aurel Kryemadhi, banues në qytetin e Elbasanit.
Policia dyshon se bëhet fjalë për transport ndërkombëtar droge, ndërsa i arrestuari pritet të merret në pyetje.
BW/d.i.
