Një ngjarje e rëndë kriminale ka ndodhur në Durrës gjatë orëve të mbrëmjes, ku është plagosur me thikë një efektiv i policisë së qytetit bregdetar.
56-vjeçari Sami Gjyzeli, efektiv i antidrogës në Policinë e Durrësit është goditur me thikë nga një person i maskuar i cili u identifikua dhe u arrestua pak minuta pas ngjarjes.
Ngjarja e rëndë ndodhi pranë pallatit ku banon punonjësi i uniformave blu.
Punonjësi i policisë u transportua në spital ku po merr ndihmën mjekësore, ndërkohë po punohet për identifikimin dhe kapjen e autorit.
Paraprakisht u raportua se efektivi i plagosur ndërhyri për të shuar një sherr kur u plagos nga 20-vjeçari Xhemal Uku, por nuk përjashtohet atentati me objektiv pikërisht policin 56-vjeçar. Kjo përforcohet duke pasur parasysh detyrën e të plagosurit Sami Gjyzeli, i cili ka hetuar disa grupe të trafikut të drogës.
Sipas informacioneve, Gjyzeli po shkonte për në banesën e tij pranë Urës së Dajlanit, kur personi i maskuar, u afrua me motor dhe e goditi dy herë me thikë në bark. Rreth 30 minuta pas ngjarjes, policia prangosi autorin e krimit, shtetasin Xhemal Uku.
