Era Istrefi, këngëtarja shqiptare nga Maqedonia ka postuar në Intagram një shkrim të shkurtër, ku tregon se ku beson ajo.

“Unë i besoj universit, për të më sjellë gjithçka që kam nevojë në kohën e duhur, kontekst dhe porosi”.

Në fakt, “besimi tek universi”, përtej të mosqenit aspak një besim, prej kohësh tashmë është bërë subjekt, i një “feje” që mesa duket ka tërhequr shumë të rinj e të reja. Sigurisht, bëhet fjalë për një pseudo budizëm që nuk mbahet në këmbë as me paterica…

Edhe Era Istrefi, duke qenë e bukur.. dhe për më tepër “bjonde” nga natyra, na tregon se UNIVERSI dhe besimi tek ai/ajo (?!) është pozicioni i saj në këto çështje.

Sic dhe u tha më lart, shumë të rinj e të reja kanë nisur të “bëhen” rishtarë të këtyre ideve dhe të artikulojnë një besim në UNIVERS, që me shumë gjasa gjenezën e vet e ka tek libri, (në atë kohë best seller i 2006-tës), i quajtur “The Secret” (Sekreti, sigurisht është botuar edhe në Shqipëri).

Në thelb, libri thotë, pak a shumë atë që shkruan edhe Era Istrefi, se nëse ti beson tek Universi, ai do tët sjellë gjithçka që ti ke dëshiruar. Madje që dëshira jote të realizohet, ti duhet ta dëshirosh atë me anë të besimit… pastaj vetë UNIVERSI, do të bëjë “lëvizjet” e duhura, që dëshira apo aspirata juaj të bëhet realitet.

Së fundmi, “kleçka” qëndron në faktin nëse “gabimin” e ka Era që beson tek Universi që i sjell dhurata edhe pse Viti Ri akoma s’ka ardhur… apo libri… që fatkeqësisht botohet në shqip dhe u vihet përpara fëmijëve nëpër vitrinat e librit.