Një 52 vjeçar korrier i një grupi kriminal është arrestuar ditën e sotme me rreth 15 kilogramë C4. Në prangat e policisë ka rënë Fatri Xhediku, 52 vjeç banues në Tiranë.
Ai u vu në pranga pranë Stacionit të Trenit në Durrës, ku gjatë kontrollit të ushtruar në çantën e tij u zbuluan dhe sekuestruan 31 copë kallëpe me lëndë eksplozive të dyshuar si C4 me një peshë rreth 15 kg dhe disa kapsolla elektrike detonatore të montuara fitil zjarrepërcjellës.
Nga hetimet e policisë dyshohet se ai kishte rolin e transportuesit për një grup kriminal që merret me trafikim të lëndëve eksplozive, ndërsa sasia e kaour sot dyshohet se do të shitej tek një grup tjetër kriminal në Tiranë.
Materialet i kaluan Prokurorisë së Rrethit Gjyqësor Durrës ,për veprime të mëtejshme për veprën penale”Trafikimi i armëve dhe i municionit”.
