Shpëtim Duro, trajneri i Kukësit, foli për “Gol pas Goli” pas barazimit 1-1 ndaj Laçit. Trajneri i Kukësit analizoi kështu sfidën.
“I pranoj të tre rezultatet dhe për Laçin e kam thënë që është ekip solid dhe e kisha frikë këtë takim, duke pasur parasysh edhe temperaturat e larta. Jam shumë i kënaqur se si ekipi e përballoi lojën dhe se si luajtëm”.
“Barazuam por edhe mund ta fitonim. Pashë një Laç që në gjysmën e pjesës së dytë u dorëzu. Mbrojtja është paraqitur mjaft mirë, por ishte një moment ai i golit të Laçit. Megjithatë, mbetet rezultat në kampionat normal, pasi sezoni është shumë i gjatë”.
Sakaq, ai vuri gishtin edhe te arbitrimi: “Ishte një penallti për ne në pjesën e parë që nuk u akordua dhe nuk e kuptova aspak se pse nuk u dha! Të gjithë ndihmësit e kryesorit ishin dakord, vetëm ai jo… Më pas, shënoi Laçi”.
/a.r
