Nga Arben Duka
Ky “burrë malësie”,
nuk e njihka frikën,
Po bën dhëmbë për dhëmbë,
Luftë me Amerikën!
Betohet, u jep
zemër halabakëve,
Po në fakt është vetë,
Kreu frikacakëve!
Që kur erdh’ non-grata,
ky farë psikopati,
si fasulja vorbës,
zien nga inati!
Tani më nuk ka,
as fuqi, as vlerë,
vazhdon reziston,
si të jetë kolerë!
Eh more Sali,
Kjo të ka tërbuar,
DASH-i si kolerë,
Ty të ka trajtuar!
Po krimet e tua,
S’i lan lumë, as det
Tani po luftoke
Veç për “dinjitet” (!)
Tëndin e zerove,
zgalem i furtunës,
që kur e tradhëtove,
Ti Partinë e Punës!
Mavria Sali,
Edhe për betime,
I ka vjedhur fjalët,
Nga një vjersha ime!
Imitim më mirë,
nuk ka ku të gjejë,
I fundit, i vetëm
do mbesë në “betejë”!
Në mëndje i shkon
Tani çdo njeriu,
Po ç’betejë do bëjë,
Ende xha Saliu!?
Ç’betejë mund të bëjë,
Ende ky njeri,
Keq i turpëruar,
Tash në pleqëri?!
I them zonjës Kim,
Shumë me të mos merret,
se ky mbijeton,
Edhe veç nga sherret!
Zonja e nderuar,
mbase më kupton,
ta lërë në marrëzi,
Sikur s’ekziston!
Mungesë e vëmendjes,
keqaz do ta çmendi,
shumë më keq se flakja,
nga ai farë Kuvendi!
/Gazeta Dita
