Solidaritetit shqiptar i është bashkuar edhe Duka i Madh i Rusisë, George, i cili bëri të ditur se i është përgjigjur kërkesës për ndihmë të Princ Lekës.
Në një postim në rrjetin e tij social Facebook ai është shprehur se do të dhurojë për të ndihmuar popullin shqiptar pas goditjes që pësoi nga tërmeti.
“I jam përgjigjur kërkesës për ndihmë të Princit Leka të Shqipërisë, pas tërmetit që goditi Shqipërinë dhe la të vdekur 51 njerëz, 2000 të plagosur, dhe 2400 ndërtesa të dëmtuara.
Do dhuroj për të ndihmuar popullin e Shqipërisë në këto momente të vështira”, shkruan Duka.
Kujtojmë se tërmeti i fuqishëm i 26 nëntorit, mori 51 jetë njerëzish, la qindra të plagosur dhe mijëra ndërtesa të rrënuara, ndërsa vazhdon ende të krijojë panik tek njerëzit pasi është shoqëruar me një sërë pasgoditjesh, një pjesë e të cilave kanë qenë të forta. /e.s/
