“Duhet të synojmë cilësinë dhe jo numrat”, Rama-bizneseve: Kualifikoni punonjësit në sektorin e turizmit

Kryeministri Edi Rama tha se Shqipëria nuk duhet të synojë turizmin masiv, por atë cilësor, duke krijuar një ofertë ku “rendësi nuk kanë numrat por cilësia e numrave”.

Për kryeministrin Shqipëria duhet të kthehet në një destinacion i atyre turistëve jo të lartë në numër por që shpenzojnë, dhe jo e turizmit masiv që shpenzojnë më pak.

Në Konferencën për Sigurinë për Turizëm, Rama u shpreh se Shqipëria nuk duhet të rrezikojë të ofrojë cilësi të ulët në turizëm, pasi në të kundërt do të ndikojë në rritjen e numrit të turistëve.

“Kur flasim për këto projeksione dhe kur flasim për rritjen e kërkesës nuk duhet të harrojmë ofertën. Ajo që ne ofrojmë sot dhe çfarë duhet të bëjmë sot që oferta jonë t’i përgjigjet rritjes dhe natyrës së kërkesës. Këtu vijmë edhe tek arsyeja e këtij takimi dhe te nevoja për të kuptuar sa e rëndësishme është ajo që bëjmë ne të gjithë në të gjitha nivelet e qeverisjes dhe në të gjitha shkallët e institucioneve dhe në të gjithë ndërveprimin e sektorit privat në harmoni me njëri tjetrin për të garantuar që kjo kërkesë të vijojë në rritje dhe të mos goditet nga mungesa e ofertës apo nga cilësia e ulët e ofertës në një moment të caktuar. Duhet të shqetësohemi për këtë rrezik dhe duhet të jemi të kujdesshëm për të mos e lënë këtë prurje në rrjedhje të lirë. Ne nuk na duhet një Shqipëri si destinacion i turizmit masiv, nuk na duhet thjeshtë të rrisim numrin e vizitorëve të huaj, pora na duhet një vend që ekuilibron të gjitha shtresat dhe kategoritë e turistëve dhe formulon një ofertë që nuk janë numrat në pamje të parë që kanë rendisë por cilësia e numrave. Kjo do të thotë në varësi nga kapaciteti i konsumit të një turisti, përcaktohet pastaj edhe sa interes ke dhe me çfarë pasojash e ushqen këtë interes. Duhet 1 milionë turistë më shumë që konsumojnë pak çdo ditë, apo të kesh 100 mijë më shumë por konsumojnë shumë çdo ditë”, tha Rama.

Kryeministri tha se vendi duhet të rrisë kualifikimet për punonjësit  në fushën e turizmit, ndërsa shtoi se pagat në këtë sektor kanë arritur nivelet e atyre në Greqi.

“Turizmi ka influencuar paga e kësaj industrie. Sot kemi paga që nuk kanë dallime me Greqinë në fushën e turizmit. Do të ketë pagat më të mira në rajon për punonjësit e kualifikuar në turizëm”, tha ai.

Lidhur me ambicien për të pritur 20 milionë turistë, kryeministri tha se sipas projeksioneve kjo do të ndodhë para vitit 2030.

“Jemi përballë një zhvillimi shumë të shpejtë dhe një rritje të numri të turistëve që është edhe më e lartë se pritshmërive optimiste. Ambicia e qeverisë për të pritur 10 milionë turistë nuk ishte hedhje falli që i merr era, por ishin parashikime të bazuar në analiza faktike dhe të dhëna konkrete që kanë një bazë shkencore. Sot nëse më pyesni se ku jetë Shqipëria 2030 në raport me numrin e turistëve dhe nëse i kthehem objektivit tonë shumë ambicioz për të pasur 20 milionë turistë në 2030 kamë frikë se do të gaboja, pasi na duhet të shohim në dy vitet e ardhshme për të pasur më shumë siguri për në projeksion 5 vjeçar. Nuk është marrëzi të mendosh duke parë si ka filluar ky vit që shifra e 20 mln turistëve do të arrihet shumë më përpara dhe në 2030 kërkesa për Shqipërisë mund të arrijë deri në 30 milionë, e theksoj kërkesa”, tha Rama.

/a.r