Kalimi “online” i Komisionit të Reformës Zgjedhore për Oerd Bylykbashin, duke lënë jashtë përfaqësimit shumicën brenda grupit të demokratëve minon gurin e themelit për një proces gjithpërfshirës, ndaj dhe bashkëdrejtimin e tryezës nga dyshja Gjiknuri-Alibeaj e sheh si vijim të pazarit mes Bashës e Ramës, që nga 18 Maji i vitit 2017.
Oerd Bylykbashi: Qartazi Edi Rama nuk kërkon konsensus, por ka dalë në një ekspeditë peshkimi për vota dhe ky peshk që mund t’i garantojë këtë tepsinë e Reformës Zgjedhore është Lulzim Basha”.
Bylykbashi zbërthen një ndër skenarët më të mundshëm që sipas tij mazhoranca do vërë në zbatim për ta marketuar këtë reformë si gjithëpërfshirëse me të zgjedhurit e Lulzim Bashës në tryezë.
Oerd Bylykbashi: Mund të jetë rënë dakord në dhomë të mbyllur për ta veshur me një mantel konsesualizmi të rremë.
E në funksion të këtij pazari sheh edhe propozimet e Bashës për ndryshimin e sistemit zgjedhor, përmes të cilave synohet të ndryshohet edhe Kushtetuta.
Oerd Bylykbashi: Propocional kombëtar me prim. Primi garanton Edi Ramën që mos të zbresë kurrë.
Pranon që sistemi aktual është toksik, por thotë se nëse palët ulen në tryezë mund të gjendet një formulë që garanton proporcionalitet.
Oerd Bylykbashi: Vret pluralitetin e partive në Parlament. Kush është sistemi? Mund të fillojë që nga mazhoritari.
Pjesë të pazarit sheh edhe mundësinë e ndryshimit të hartës territoriale.
Oerd Bylykbashi: Uroj mos jetë kjo marrëveshje më jep një kalë të të jap një gomar siç ishte marrëveshja me jep Vettingun të të jap Reformën territoriale.
Dy vjet më parë demokratët propozuan shtimin me 34 njësi vendore të ndarjes territorial, duke e çuar në 95 numrin e bashkive në mbarë vendin, draft ky që nuk u pranua nga shumica.
/a.d
