Për analistin Plator Nesturi, PD-ja e Rithemelimit e “kishte ndier” që priteshin zhvillime nga SPAK (arrestimi i Jamarbër Malltezit dhe masa e sigurisë ndaj Sali Berishës për dosjen Partizani), dhe kjo ishte arsyeja që disa ditë më herët nisën trazirat në Parlament.
Megjithatë, deputeti demokrat Luan Baçi nga radhët e Rithemelimit, i ftuar pasditen e së enjtes në “Ditari” në A2 CNN, theksoi se ishte mazhoranca ajo, që e trembur nga bashkimi i opozitës, “kërkoi të godiste Berishën duke përdorur SPAK-un në mënyrë që ai të tërhiqej.”
Madje, sipas zotit Baçi, as trazirat e sotme në Kuvend nuk ishin bërë me plan, por u vendosën gjatë mbledhjes së Grupit. Dhe, hapi i radhës i Rithemelimit sipas tij, do të varet nga qëndrimi i mazhorancës.
Nga ana tjetër, Nesturi theksoi se aksioni i nisur javët e fundit në Parlament është politik dhe jo opozitar.
“Opozita vetë është e fragmentizuar brenda saj, edhe brenda atyre 43 deputetëve, kemi qasje të ndryshme,” shtoi ai.
Kujtojmë se seanca parlamentare e kësaj të enjteje u përfshi nga tymi i flakadanëve. Opozita tentoi bllokimin e punimeve por arriti të ndalonte vetëm fjalën socialistëve pasi pikat e parashikuara në rendin e ditës për t’u votuar u miratuan të gjitha.
Pavarësisht kësaj, Sali Berisha e quajti aksionin si një grevë të përkohshme, ndërsa me largimin e deputetëve, në sallë u fut Policia e Shtetit, duke e konsideruar Parlamentin skenë krimi.
/a.r
Luan je koqe komplet.kur po dorzo he shine teserat e partise l baci shkoj ne shkolles e partise.