Autoritetet policore në Greqi kanë arrestuar një çift shqiptarësh, pasi u kapën me një sasi prej 31 kilogramë kanabis. Operacioni u zhvillua në rrugën Egnatia Odos Komotini – Alexandroupolis, pas të dhënave se në rajonin Evros po përgatitej transporti për eksport në Turqi i një sasie droge.
Sipas mediave greke gjatë operacionit, policia gjeti dy autorët në një makinë private, e cila po drejtohej për në Evros dhe po transportonte një sasi të madhe droge.Konkretisht, gjatë kontrollit u gjetën në bagazhin e automjetit 30 pako me drogë të papërpunuar, me një peshë totale prej 31 kg dhe 155 gram.
Lënda narkotike u sekuestrua, ndërsa çifti shqiptar u arrestua dhe u dërguan në Prokurorin e Gjykatës së Shkallës së Parë të Alexandroupolis. (Panorama)
