Ish-zëvendësministri i Mbrojtjes Dritan Hila ka ironizuar deputetin e Partisë Socialiste Koço Kokëdhima duke e cilësuar si autor të betonizimit të Sarandës.
Teksa ka postuar një foto nga qyteti bregdetar, ish-zëvendësministri ngre shqetësimin se situata po përkeqësohet tashmë edhe me kryebashkiaken e re, që Hila e quan një çupëlinë anonime, pas së cilës, sipas tij, qëndron deputeti Kokëdhima.
“Saranda, e pare nga grykederdhja e Bistrices, ose ndryshe kanali i Çukes. E quajtur nga Musolini Porto Eda, e projektuar dhe ndertuar nga inxhinjere italiane me godina dy kateshe me gur te gdhendur dhe vila nje kateshe te mbytura nga bukovilet. Godinat zbrisnin ne shetitoren buze Jonit, me shkalle guri. Dikur ketu ka punuar Naim Frasheri. Tani eshte mbytur nga betoni i ndertuesve banalë shqiptar. Do te qeveriset nga nje çupe anonime qe nuk e njeh kush. Faleminderit Koço. Ne te meritojme ty. Ne meritojme gjithçka”, shkruan Hila.
Ky i fundit shprehej i irrituar me Kokëdhimën edhe pas vrasjes së efektivit Ibrahim Bashës, pasi sipas Hilës, me deklaratat e tij për legalizimin e hashashit, ka nxitur lazaratasit t’i kthehen luftës për të bërë të mundur mbjelljen e hashashit.
