Qeveria spanjolle ka miratuar një dekret legjislativ që i hap dritën e gjelbër zhvarrosjes së eshtrave të diktatorit Francisko Franko dhe largimin e tyre nga përkujtimorja kushtuar të vdekurve të Luftës Civile, në Luginën e Fallenit, theksoi zëvendëskryeministrja e qeverisë socialiste spanjolle, Karmen Kalvo.
“Prania e varrit të Francos në atë vend do të thotë mungesë e respektit për viktimat që janë varrosur atje dhe mbetet shumë për t’u bërë për kujtesën historike në këtë vend. Nuk ka asnjë demokraci në rang ndërkombëtar, që të ketë një situatë si ajo që kemi patur ne për më shumë se 40 vjet”, theksoi Kalvo.
Partia konservatore Popullore (PP) si dhe partia e qendrës ”Ciudadanos” kanë njoftuar se do të votojnë kundër këtij dekreti, kur ai të shkojë në parlament.
/b.d
