Kozara kati, drejtuese e AKIP, Aleancës kundër Importit të Mbetjeve ka reaguar pas deklaratës së ambasadëm së SHBA që në thirrjen e bërë qytetarëve të kenë kujdes, e quajti protestën organizim të opozitës.
Kati deklaroj♪7 se do kërkojë takim me ambasadorin për të dorëzuar dekoratën e marrë nga ambasada.
“Do kërkojmë takim dhe do i kthejmë pas dekoratën që na kanë dhënë”, tha Kati për portalin Newsbomb pas proteste.
Kozara Kati i referohet çmimit që paraardhësi i Lu, Aleksandër Arvizu i dha AKIP në vitin 2013, për kundërshtimin e të njëjtës çështje, atë të importit të plehrave.
“Më 31 korrik, Ambasadori Arvizu i dorëzoi Aleancës Kundër Importit të Plehrave (AKIP), çmimin “Kampion i ACT Now!” për muajin korrik, gjatë një ceremonie të zhvilluar në Ambasadën Amerikane. Ambasadori përgëzoi Aleancën për angazhimin e saj civil të mirëorganizuar, i cili mblodhi firmat e më shumë se 60,000 shqiptarëve në mbështetje të referendumit për të ndaluar importin e mbeturinave. Referendumi i 23 dhjetorit do të jetë i pari referendum në historinë e Shqipërisë që është nisur nga qytetarët shqiptarë. Udhëheqësit e grupit ishin prezent në Ambasadë për ceremoninë, gjatë së cilës falenderuan stafin e saj për mbështetjen e vazhdueshme ndaj aktiviteteve civile, të cilat ndihmojnë në ndërgjegjësimin e shqiptarëve”, thuhet në njoftimin e ambasadës amerikane të publikuar tre vite më parë./a.m.
