Drejtori i Operatorit të Shpërndarjes së Energjisë Elektrike në Vlorë që humbi jetën gjatë një atentati në qytetin bregdetar, ishte kushëriri i kreut të Shoqatës së Avokatëve Penalistë të Shqipërisë, Saimir Vishaj.
Avokati ka ndarë një shkrim mjaft prekës në profilin e tij në rrjetin social Facebook, ku e kujton Roland Saliun si një njeri të mirë dhe fjalëëmbël. “Kusho, ti duhet të ishe i fundit që mund të ikje në këtë mënyrë, pasi ti transmetoje pozitivitet në qytetin tonë”, – shkruan ai.
Roland Saliu u qëllua me breshëri automatiku teksa ndodhej në një lokal në sheshin e Flamurit, i ulur në një tavolinë me drejtuesin e televizionit “Vlora Channel”, Erven Hyseni, gjithashtu i vrarë Ky i fundit dyshohet të ketë qenë objektiv i atentatorëve të cilët ende nuk janë identifikuar nga policia. /a.m.
