Drejtori i Postës Shqiptare, Majlind Lazimi, ka kërkuar që Qeveria të rritë kufirin e blerjeve online, sepse sipas tij kjo do të ndihmojë në rritjen akoma më shumë të kësaj mënyre të bleri.
Në një intervistë për Gazetën Shqiptare, Lazimi thotë se që prej 2014, blerjet online janë një trend në rritje dhe rritja e kufirit për taksat doganore do të favorizojë klientët. Kjo nënkupton që për blerjet online më shumë se 20 mijë lekë të mos ketë taksë doganore. Në maj 2014, qeveria e rriti kufirin doganor nga 10 mijë në 20 mijë lekë që është aktualisht, kufi për të cilin Lazimi propozon që të rritet më shumë.
Taksat për blerjet online variojnë nga 2-15% sipas llojit të mallit të blerë, shto këtu edhe TVSH-në 20%.
Gjatë vitit 2014 pati një rritje prej 80% të blerjeve online, kurse kulmi shënohet gjatë festave të fundvitit.
