Më në fund kthjellohet drejtori i arkeologjisë Luan Përzhita. Ai pretendon se institucioni i tij duhet të përgatisë një hartë dixhitale, që në fakt nuk është se përbën një sfidë.
Ende sot, mungon një hartë digjitale për trashëgiminë, që do të ndihmonte shumë punën. Të mendosh se një gjë të tillë është bërë në Republikën e Kosovës si një bashkëpunim mes Institutit të Arkeologjisë në Tiranë, atij në Prishtinë e Ministrisë së Kulturës së Kosovës.
Gjithë potenciali arkeologjik është i futur në databazën e shtetit të Kosovës, ku çdo pronësi, sit, pikë e koordinatë është e shënuar më së miri. Çuditërisht, në territorin e Shqipërisë kjo nuk është bërë. Ka libra dhe studime, përpjekje, por jo një hartë digjitale. Ky është një problem që i takon shtetit shqiptar e Ministrisë së Kulturës.
