Edhe pse media kosovare mbështet versioni se ai do takohet me kancelaren, Mustafa tregohet modest dhe ka mohuar lajmet që më 3 qershor do të takohet me Kancelaren gjermane Angela Merkel. Në fakt, ishin disa media që raportuan se Mustafa do të vizitonte Gjermaninë në javën e parë të muajit qershor, ku do të pritej nga Merkel.
“Me 3 qershor nuk kam vizitë në Gjermani e as takime, ashtu siç po prezantojnë disa media elektronike. Po punojmë në thellimin e bashkëpunimit me Gjermaninë në fusha të ndryshme, duke pasur parasysh ndihmën dhe kontributin shumë të madh të këtij shteti në ndërtimin demokratik të Kosovës. Javën tjetër do ta takoj në Prishtinë ministrin për Zhvillim të Gjermanisë, ndërsa për vizitën e ardhshme në Berlin, opinioni do të njoftohet pasi kjo vizitë të jetë bashkërenditur me qeverinë Gjermane”- shkruan Mustafa në Facebook.
