Kryeministri, Edi Rama, deklaroi sot se refuzimi që PD-ja i bëri propozimit më të fundit të bërë në emër të SHBA-së nga zyrtarja e lartë amerikane, Nuland, nuk është i papritur. Sipas tij, ky refuzim i rradhës nuk është i papritur, pasi përgjatë një viti e gjysëm të procesit të draftit të Reformës në Drejtësi, PD-ja i ka dhënë sinjalet që nuk e do Reformën në Drejtësi.
“E ka bojkotuar procesin për një kohë të gjatë. Ka futur në process letra pa lidhje për ta ngatërruar. Ka baltosur ekspertët e nivelit të lartë si ka mundur. Ka abuzuar me raportin e Komisionit të Venecias një herë me rekomandimin 55 e pastaj me atë 88. Është tallur me partnerët strategjikë të Shqipërisë. PD-ja ka vetëm një hall, të shmangë vettingun. Nga vendet e rezervuara kaloi tek ato të blinduara. Ka kërkuar të hyjë vetting 6 të shumicës e 6 të opozitës. Edhe kur ne e kemi pranuar këtë propozim prap ka ikur. Ka nxjerrë një kundër propozim që nxjerr në pah një të vërtetë që se ka pasur hallin te vendet e rezervuara, por ka rezerva për partenërët strategjik të Shqipërisë”, deklaroi Rama.
Me. Ar
