Një person i shpallur në kërkim ndërkombëtar për llogari të autoriteteve italiane, është vënë në prangat e policisë së kryeqytetit.
Arrestimi i tij u bë gjatë ditës së sotme në Tiranë, ku u prangos Petrit Lekndreaj, 43 vjeç, banues në Tiranë.
Arrestimi i tij i përkohshëm u bë nga Forcat e Posaçme e Operacioneve Speciale dhe Kërkimit pranë D.V.P. Tiranë, me qëllim ekstradimin drejt Italisë, vend ku është dënuar me 20 vite burg.
Lekndreaj është shpallur në kërkim Ndërkombëtar nga Interpol Roma/Itali, pasi Autoritetet Gjyqësore Italiane e kanë dënuar me 20 vjet burgim, për veprat penale ”Trafik droge”, “Plagosje” dhe “Armëmbajtje pa leje”.
Interpol Tirana në bashkëpunim me Interpol Roma/Itali, po kryejnë të gjitha procedurat e nevojshme për ekstradimin e këtij shtetasi drejt Italisë./a.m.
