Duket Astrit Patozi do të ndahet përfundimisht nga Partia Demokratike. Këtë la të kuptohej nga studioja e emisionit “Real Story” kur tha se tashmë kanë rënë të gjitha motivet që mbanin lart Lëvizjen për Ringritjen e PD.
Ai tha se vendi ka nevojë për një forcë të re.
“Kane rene te gjitha motivet qe e mbanin ngritur misionin e Levizjes per Ringritjen e PD. Kongresi i ndarjes me mur Berlini. Une nuk ndiej me asnje detyrim ndaj partise se Bashes, ndihem perjetesisht borxhli ndaj PD qe sot nuk ekziston me. Shoqeria shqiptare ka nevoje per nje projekt te ri politik. I vendosur qe ta ndjek kete projekt”, deklaroi Patozi.
Ai thotë më tej se nuk ka pasur synim të bëhej kryetar i PD. Po ashtu, Patozi zbulon se i propozoi Topallit të kandidonte për drejitmi ne partisë.
“I kam kerkuar Jozefina Topallit qe te kandidonte dhe une do ta mbeshtesja. Ajo per arsyet e saj nuk pranoi. Asnjehere nuk kam menduar qe te jem kryetar i PD. Deshmitar per kete eshte Sali Berisha, sepse e kam treguar kete gje”, tha Patozi.
Ndarja me Berishën:
Duket se largimi nga PD e ndan Patozin edhe nga lideri historik i PD, i cili e ka propozuar deri në postin e kreut të grupit të PD, detyrë që e mbajti 6 vite në pushtet.
Ai tha se në studion e Real Story se “në kushtet që Berisha ka bërë zgjedhjen e tij rrjedhimisht është një ndarje dhe nga Berisha”.
Pjesë nga intervista:
Basha ka bërë përpjekje që të përçante disa prej nesh. Por për mua nuk ka asnjë pazar. Në rast se unë do pranoja që të ulja kokën dhe të merrja një kockë, nuk e pranoja. Unë mund të marrë vendime për vete, por nuk mund të marrë vendime për djalin tim 5 vjeç. Unë nuk pranoj që kur djali i imtë jetë 18 vjeç dhe të kërkoj të hyjë në PD, të gjej Bashën dhe kuantin që ti bëj skanerin.
Ndarja juaj me Lulzim Bashën, është ndarje dhe nga Berisha?
Në kushtet që Berisha ka bërë zgjedhjen e tij rrjedhimisht është një ndarje dhe nga Berisha.
A është Berisha po aq përgjegjës së Basha?
Sali Berisha ka bërë zgjedhjen e tij, qoftë dhe e gabuar është zgjedhja e tij. Ai ka zgjedhur Lul Bashën si pasuesin e vet. Ajo që unë nuk pranoj tek Berisha, nuk mund të bëj njeriun që po lutet apo përgjërohet për bashkim, ka mungesë sinqeriteti. Nëse ai do bashkim, duhet që të ushtronte presion mbi përzgjedhësit./a.m.
/a.m.
