Kampionati holandez ka bërë një mbyllje spektakulare këtë të diel, ku PSV është shpallur kampione vetëm në javën e fundit të kampionatit.
Një gabim në ndeshjen e fundit i ka kushtuar Ajax-it një sezon të tërë.
Ditën e diel ata luajtën ndaj De Graafschap, e cila e kishte prerë biletën për një kategori më poshtë, por ka arritur të marrë një barazim 1:1 ndaj Ajax-it, duke i hequr atyre kampionatin nga duart.
Deri para kësaj jave dy ekipet, Ajax dhe PSV ishin në kuotë të barabartë pikësh, por java e fundit rezultoi vendimtare. PSV fitoi si mike 1:3 ndaj Zwolle dhe pas përfundimit 1:1 të Ajax-it, ata u shpallën kampion për herë të 23-të. (b.an)
