Nuk kanë qenë të pakta ngjarjet kur qen të rrezikshëm kanë sulmuar qytetarët. Në shumë raste ata mbahen në ambiente publike pa maska, apo qafore mbrojtëse. Por tashmë kushdo që mban një qen të rrezikshëm dhe agresiv dhe nuk përmbush masat ligjore, rrezikon të dënohet deri në 10 vite burg.
Me ndryshimet që pritet të pësojë, ligji për veterinarinë do të ketë ashpërsime për mbajtjen në banesa të një sërë lloje qensh të konsideruar të rrezikshëm.
Ndërsa të gjithë ata pronarë që kanë qen të rracës pitbull, rotvajler apo 1 nga 10 rracat e qenve që përbëjnë rrezik për shoqërinë, do të jenë të detyruar që t’i regjistrojnë në polici si dhe t’i mbajnë me maskë dhe rrip, kur dalin në hapësira publike.
Para pak muajsh një kalimtar mbeti i plagosur, pasi një burrë qëlloi me armë një qen pitbull, që i kishte kafshuar gruan./ Klan/ a.k
