Ne konferencen shkencore, te mbajtur në Bibliotekën Kombëtare, ne vleresim të figurës së Musine Kokalarit, kreu i qeverisë Edi Rama, ka nenvizuar se hapja e dosjeve do të nisë me zbardhjen e të vërtetës së gruas rebele.
“Hapja e dosjeve të regjimit komunist do të fillojë me dosjen e Musine Kokalarit për të hedhur dritë mbi këtë histori, si një nga momentet më të rëndësishme kur është përplasur egërsisht, ajo që erdhi më pas si fuqi e gjithpushtetshme mbi shqiparët me përpjekjen idealiste për të shkuar drejt një Shqipërie tjetër nga ajo e Luftës së Dytë Botërore”- tha Rama.
Kryeministri nenvizoi se “Dosja e Musinesë do të jetë e para që do hapë një rrugë të re, shqyrtimin e gjithë dokumenteve dhe njohjen me gjithë personazhet që i kanë ikur dritës së të shkurës dhe na janë shfaqur me dy gishtat lart përballë prozhektorëve të të sotmes”.
Sipas Ramës, dekodifikimi i plotë i dosjes së saj shënon edhe pragun jo vetëm të pakthyeshëm, por vendos edhe një gur themeli të moralit të gjithë kësaj historie të re në raport me plagët e diktaturës që vazhdojnë të infektojnë jetën tonë të përbashkët në këtë vend. Rama paralelizojë pushkatimet dhe dënimet e djeshme në diktaturë me atë që ndodh sot në politikën shqiptare te quajtur prej tij “të baltës”.
“Sot pushkatimet bëhen me gjuhën e baltës, diskreditimit pa fre të atyre që thjeshtë nuk janë tanët, ditën për diell, ditë natë, pa pushim, duke rrotulluar thikën e vjetër dhe të përgjakur të përcarjes së të shkuarës në zemrën e shoqërisë sonë, duke bërë që edhe fëmijët në kopshte të jenë të ndarë si pasojë e asaj që dëgjojnë në shtëpi, ku prindërit e tyre janë të ndarë me prindërit e fëmijëve përballë”- tha Rama.
ma.me
