E vënë nën akuzë për korrupsion pasiv, gjyqtarja Majlinda Andrea kërkon gjykim të shkurtuar. Kjo ka bërë që seanca ndaj saj të shtyhet për në 17 janar dhe një provë për pranimin e akuzës. Gjykim të shkurtuar kërkuan edhe të akuzuarit e tjerë të dosjes “Ksamili” si Ilir Çabiri dhe Petraq Dashi . Lidhur me këtë dosje, gjykata vendosi dje masën “arrest shtëpie” për burrrin e gjyqtares, Odhise Andra. Ky i fundit akuzohet se ka kerkuar 50 mije euro per nje vendim qe do te jepej nga bashkeshortja e tij gjyqtare, Majlinda Andera.
Gjyqtarja akuzohet se ka marrë permes bashkëshortit të saj 50 mijë euro. Këto para janë dhënë në formë borxhi nga Ilia Çabiri dhe Eleni Lino, të cilët ishin përfitues të pronës. Paratë janë dhënë me qëllim për të ndikuar në dhënien në favor të tyre të vendimit të Gjykatës së Lartë, ndërsa ndërmjetësi i kësaj çështjeje është identifikuar Petraq Dashi.
Hetimi për ka nisur nga Prokuroria për Krime të Rënda, e cila pasi ka konstatuar se veprime të dyshimta korruptive. Në këto veprime rezultonte e përfshirë edhe gjyqtarja e Gjykatës së Lartë. Në këtë moment hetimet i vijoi Prokuroria e Përgjithshme, si struktura kompentente për hetimin e zyrtarëve të institucioneve kushtetuese. Nga aktet hetimore të deritanishme rezulton se i dyshuari Ilia Çabiri nga Saranda, në cilësinë e përfaqësuesit të një familjeje ish-pronare, ka zhvilluar disa procese gjyqësore për njohjen e një sipërfaqe toke rreth 40 hektarë, në zonën e Butrintit.
Deri në fillim të korrikut 2016, kjo çështje ishte në “fazën e studimit” në Gjykatën e Lartë. I dyshuari Çabiri është angazhuar që procesi gjyqësor në Gjykatën e Lartë të përfundonte në favor të tij. Për këtë arsye, ai ka kontaktuar me të dyshuarin Petraq Dashi, i cili nga ana e tij kishte njohje dhe komunikim me Odhise Andrea.
Ky i fundit është bashkëshorti i gjyqtares Majlinda Andrea, e cila ishte një prej anëtarëve të trupit gjykues të çështjes së të dyshuarit Çabiri në Gjykatën e Lartë. Për dhënien e vendimit nevojitej një sasi prej 50 mijë eurosh të cilat i janë dhënë Andreas nëpërmjet Petraq Dashit.
/ma.me
