Katër personat e arrestuar lidhur me çështjen e 3.4 milionë eurove të sekustruara në portin e Durrësit, janë paraqitur sot para Gjykatës së Durrësit e cila vendosi ndaj tyre masën “arrest me burg”.
Gjykata ka vendosur këtë masë për Agim Çekën (shoferi i kamionit që transportoi makinat me para), Edi Likën pronar i kompanisë së transportit, djalin e tij Klevi Lika shoqërues i kamionit dhe biznesmenin Alban Mollaymeri i cili do kryente zhdoganimin e automjeteve.
Sipas burimeve, e njëjta masë pritet të kërkohet edhe për dy kushërinjtë e shpallur në kërkim Alfred dhe Elvis Vladi, 33 e 38 vjeç.
Ndërkohë Gjykata e Durrësit shpalli moskompetencën për vijimin e shqyrtimit të dosjes duke e deleguar te Gjykata e Krimeve të Rënda.
Sipas policisë, gjatë kontrollit të kamionit “Bizark”, në dy automjete të ngarkuara tip “Toyota” u gjetën 3 milionë e 366 mijë euro, 80 mijë franga dhe 100 euro false.
Hetimet kanë zbuluar se pritësit e parave ishin dy kushërinjtë e shpallur në kërkim. Ndërkohë, biznesmeni Alban Mollaymeri do kryente zhdoganimin e mjeteve.
Dyshohet se paratë janë burim i aktiviteteve kriminale jashtë Shqipërisë./a.m.
