Skuadrat elitare të Gjermanisë, Borussia Dortmund e Schalke dhe ajo spanjolle Valencia kanë shprehur interesim për mesfushorin kosovar të Baselit, Taulant Xhaka. Kështu kanë bërë të ditur të hënën për gazetën burime të afërta me futbollistin.
Por, mundesite që Xhaka të transferohet në ndonjë skuadër gjatë muajit janar janë të vogla, përcjell Koha Ditore.
“Borussia Dortmund, Schalke dhe Valencia i kanë shprehur Baselit interesimin për Taulant Xhakën. Por, Baseli për ta liruar Taulantin ka kërkuar 15 milionë euro. Interesim ka shprehur edhe Borussia Moenchengladbach që e sheh si zëvendësues të vëllait të vogël Granit Xhaka. Por, asgjë nuk ka konkrete.
Presim oferta më konkrete edhe pse gjasat që të lëvizë gjatë janarit janë shumë të vogla. Taulanti po tregon vlera të mëdha në Basel. Po tregon paraqitje të mira”, ka thënë një i afërt i futbollistit, përgatiti Koha. (b.an)
