Vijojnë largimet në radhët e stafit të afërt të presidentit amerikan Donald Trump. Këtë radhë ëhstë dorëhequr nga detyra Këshilltari Ekonomik Gary Cohn.
Lajmi ëhstë dhënë nga Shtëpia e Bardhë përmes një komunikate.
Cohn është i fundit pjesëtar i profilit të lartë të skuadrës së Trump, që dorëhiqet, pas një serie largimesh të këshilltarëve të tjerë.
Në një deklaratë të lëshuar nga Shtëpia e Bardhë, Z. Cohn tha se ishte një nder që i kishte shërbyer vendin të tij.
Gary Cohn, mbështetës i tregtisë së lirë, u zemërua nga planet e presidentit Trump për të vendosur tarifa për importet prej alumini dhe çeliku. Cohn, një ish-president i bankës Goldman Sachs, ndihmoi Trump të çojë përpara reformat e tij gjithëpërfshirëse, në fund të vitit të kaluar, megjithatë, të dy nuk besohej se ishin të afërt./a.m.
