Qytetarë të thjeshtë dhe personazhe të njohur të ekranit apo rrjeteve sociale kanë shpërndarë masivisht ditën e djeshme fotot e 5 personave që përdhunuan 15-vjeçaren në Lezhë.
Noizy, Kejvina Kthella, Fjoralba Ponari, Graciano Tagani, Arjola Demiri, Bora Zemani e shumë të tjerë kanë shpërndarë fotot e autorëve.
‘Doni djeg’/ Mos pafshi hajër me sy’ janë disa nga përshkrimet që personazhet e njohur kanë shoqëruar fotot e autorëve.
Lidhur me këtë fenomen të tmerrshëm ka reaguar ish-konkurrenti i “Për’puthen”, Elvisi, i njohur ndryshe si Loco. Në një postim të bërë në “Instastory”, ai shprehet se i vjen turp që jeton në një shoqëri si kjo. I vjen turp që njerëzit gjykojnë Anën që nxjerr këngë për qejfin e vet, e nuk merret me përdhunuesit e një minoreneje.
