Një i ri nga Shqipëria është arratisur nga burgu i Domokos në Greqi pasi kishte marrë një leje pesë-ditore.
Media greke Newpost.gr shkruan se 34 vjeçari shqiptar vuante dënimin me 9 vite burg për trafik droge, ndërsa duhej të kthehej në Domokos dje. Menjëherë, i riu është shpallur në kërkim nga policia pasi moskthimi i tij në vendin e vuajtjes së dënimit është quajtur arratisje.
Shqiptari ishte liruar bashkë me një 40 vjeçar polak, i cili kishte po ashtu 5 ditë leje, ndërsa vunate dënimin e përjetshëm për vrasjen e një biznesmeni të njohur në Mykonos në 2010, shkruan newsbomb.al.
Shtetasi polak duhet të ktehej në burgun e Domokos në datë 9 shtator, aty ku prej vitesh vuante dënimin për vrasjen e biznesmenit 73 vjeçar Mimi Zuganelis. /l.m
