Statistikat e thonë qartë dhe hapur: Gjermania po kalon njërë ndër periudhat më të lulëzuara të saj. Aty jetohet sot më mirë se kurrë më parë. Jo vetëm mirëqenia ekonomike, por edhe standarti social në përgjithësi është rritur tej mase.
Sipas të dhënave të gazetës së njohur Frankfurter Allgemeine Zeitung, motivet që kanë përcaktuar këtë përmirësim janë kujdesi për një jetë sa më të shëndetshme, ulja e konsumit të karburanteve për shkak të përdorimit të mjeteve publike, ushqyerja më e kujdesshme, punësimi në shkallë të lartë i njerëzve, përdorimi i energjive të gjelbëra, përmirësimi i kujdesit shëndetësor dhe largimi nga energjia bërthamore.
Kështu, nëse në pjesën tjetër të Europës mbizotëron pesimizmi dhe kriza, në Berlin shijojnë qetësinë dhe sigurinë ekonomike të garantuar nga reforma që janë marrë një dekadë më parë.
