Ministrja e Mbrojtjes Olta Xhaçka ishte sot e pranishme në Komisionin e Sigurisë Kombëtare në një seancë dëgjimore për Artur Meçollarin, ushtarakun i cili është mesë negociatorëve për Detin i cili akuzohet nga opozita si spiun.
Ministrja zbuloi edhe disa dokumente që sipas saj vërtetojnë se Meçollari ka qenë i pajisur me certifikatë ‘top secret’ që në kohën e Partisë Demokratike.
Ajo është lëshuar në vitin 2011.
Në këtë dokument, janë edhe 16 firmat e Janarit të vitit 2012 të zyrtareve të Forces detare që nuk pranuan të nxjerrin Bisht Pallen nga plani i përhapjes.
Sakaq, ministrja e Mbrojtjes Olta Xhacka, sot ne Komisionin e Sigurise, tha se ndaj Meçollarit “ka pasur një inskenim absurd e qesharak faktesh të manipuluara nga administrata e asaj kohe”
“Ish-Shërbimi Informativ Ushtarak (sot AISM) nuk pranoi t’i paraqiste “provat” në gjykatë. Meçollari u largua nga FA, pa mësuar për rreth 6 muaj zyrtarisht cila ishte shkelja që ai kishte bërë. Ishte Meçollari që kërkoi drejtësinë dhe jo sistemi, që nëse kishte prova, duhet ta çonte në prokurori. Meçollari është i pajisur me certifikatën e sigurisë “Cosmic Top Secret” të nivelit NATO. Meçollari ka nivelin më të lartë të aksesit në informacion sekret, jo vetëm për Shqipërinë por për çdo dokument të NATO-s.
Meçollari ka qenë një nga zërat më të elaboruar kundër marrëveshjes së mëparshme të detit. Meçollari ka provuar me fakte dhe argumenta që ajo marrëveshje ishte kundër interesave tona kombëtare. Linçimi ndaj personalitetit të Mecollarit, me qëllim për të bërë pis procesin”, tha ajo./a.m.
