Mjaft rusë ishin (dhe janë) kundër luftës në Ukrainë. Madje disa prej tyre edhe protestuan.
Presidenti Vladimir Putin ka vënë në shënjestër ata që nuk e mbështesin pushtimin. Vladimir Putin tha se rusët “do të jenë gjithmonë në gjendje të dallojnë patriotët e vërtetë nga llumrat dhe tradhtarët dhe thjesht do t’i pështyjnë si një mushkonjë që aksidentalisht fluturoi në gojën e tyre”, raporton Skynews.
Putin vazhdoi: “Jam i bindur se një vetë-pastrim i tillë i natyrshëm dhe i domosdoshëm i shoqërisë vetëm do të forcojë vendin tonë”.
Ai goditi gjithashtu oligarkët rusë që jetojnë në Perëndim, duke thënë: “Unë nuk po i gjykoj aspak ata që kanë një vilë në Miami ose Rivierën Franceze, të cilët nuk mund të bëjnë pa gra, goca deti apo të ashtuquajturat liri gjinore.
“Problemi nuk është absolutisht në këtë, por, e përsëris, në faktin se shumë prej këtyre njerëzve, për nga natyra e tyre, janë të vendosur mendërisht pikërisht atje, dhe jo këtu, jo me njerëzit tanë, jo me Rusinë.
“Kjo është ajo që ata mendojnë – sipas mendimit të tyre – një shenjë e përkatësisë në një kastë më të lartë, në një racë më të lartë.”
Kjo mund të jetë një shenjë e planifikimit të presidentit rus për të forcuar sundimin e tij autoritar, pasi qeveria filloi mbylljen e mediave dhe arrestimin e protestuesve.
/a.r
