“Do t’i identifikoj emigrantët si pakot postare”
Fushata zgjedhore në Amerikë po merr një kthesë të dukshme ksenofobe. E djathta amerikane, Partia Republikane, po i jep hov një debati të rrezikshëm mbi emigracionin ilegal, duke afishuar kandidatë që bëjnë garë mes tyre, se cili do të hedhë në treg propozimet më ekstreme kundër emigrantëve.
Është Donald Trump, miliarderi eskentrik, ai që po i jep shtysë kësaj trendence brenda garës së Partisë Republikane. Pas tij, duket se edhe të tjerë po ashpërsojnë gjuhën ndaj emigrantëve duke parë shifrat në ngjitje të Trumpit. Guvernatori i Nju Xhersit, Kris Kristi, deklaroi dje se nëse bëhet president, do t’i kërkojë Fed Ex (kompani e madhe postare), që t’i gjurmojë dhe identifikojë emgrantët nëpër Amerikë, siç shpërndan pakot postare. Kjo shprehje ka shkaktuar mjaft zhurmë në opinioni publik amerikan, megjithatë Kristi nuk duket i shqetësuar, pasi e gjithë kjo i ngjan një loje taktike për të marrë vota nga Donald Trump.
Nga ana e tij Donald Trump ka hedhur idenë e deportimit të të gjithë emigrantëve të paligjshëm, edhe kur fëmijët e lindur prej tyre, kanë marrë nënshtetësinë amerikane.
