Një 49-vjeçar u dënua me tetë muaj burg nga Gjykata e Tiranës, pasi i bënte presion kunatës së tij.
Babai i katër fëmijëve i kërkonte kunatës të kryenin marrëdhënie seksuale.
Në të kundërt, ai kërcënonte se do i shkatërronte jetën dhe familjen.
Ngjarja ka ndodhur në një nga fshatrat e Tiranës.
Sipas Panoramës, Kujtim H., i dërgonte mesazhe në celular të dëmtuarës D.M.
E gjendur nën presionin e burrit të motrës, ajo ka vendosur ta padisë.
Në një nga mesazhet, që është marrë si provë nga gjykata, shkruhet: “Moj kurva m…, do të të q… nesër me zor në Pazar. Më kalove nga shtëpia jote. Unë kërkoj që të bëjsh atë që dua unë. Tregoja mesazhin burrit”.
Kujtim H. ka deklaruar përpara gjykatës se këto mesazhe i ka dërguar për shkak të një borxhi që ajo i kishte marrë pesë vjet më parë.
Bëhet fjalë për 5 milionë lekë të vjetra.
Por hetimi nuk zbuloi se ky pretendim është i bazuar.