Do të kalonit në këtë urë?
Një grup turistësh kanë qënë të parët që sfiduan frikën ndaj lartësive teksa kanë vizituar urën prej qelqi 180 metra mbi nivelin e detit në Kinë.
Sipas rrjetit mediatik People’s Daily Online kjo strukturë spektakolare është unike në botë dhe ndodhet në provincën Hunan.
Fotot të cilat kanë qarkulluar në internet tregojnë turistët e tmerruar dhe të ngrirë nga frika ndërkohë që kalojnë urën.
Ura ka qënë më parë e ndërtuar me material druri dhe lidhte 2 anët e malit Stone Budha në parkun Shiniuzhai por që tanimë është një vepër mahnitëse xhami e krijuiar nga 11 inxhinjerë .
“Njerëzit ishin aq të frikësuar sa që mezi lëviznin dhe nuk e ulnin asnjëherë kokën për të parë poshtë”- është shprehur një burim i brendshëm.
Megjithatë siguria është gjëja e fundit për të cilën njerëzit mund të shqetësohen kur kalojnë në këtë urë pasi skeleti i saj është 25 herë më i fortë se sa në strukturën e mëparshme.
