Policia gjermane ka arrestuar një 48-vjeçar, i dyshuar se ka kryer një seri sulmesh sabotazhi ndaj rrjetit elektrik të vendit.
I dyshuari, i identifikuar si Daniel V., u arrestua pranë centralit elektrik të Weisweiler, rreth 50 kilometra në perëndim të Këlnit.
Arrestimi erdhi pas një operacioni kërkimi që nisi pasi autoritetet morën letra ku pretendohej përgjegjësia për një seri sulmesh ndaj nënstacioneve elektrike në tri lande të Gjermanisë.
ADVERTISING
Back to School në NovaHome
Ulje deri në 50%
Policia tha se në momentin e arrestimit, i dyshuari kishte me vete pajisje të tjera shpërthyese dhe nuk bëri rezistencë. Pranë vendit të arrestimit, efektivët gjetën gjithashtu një çadër ku ishin fshehur ngarkesa të tjera shpërthyese.
Ngjarja ndodh në një kohë kur Gjermania është në alarm për aktivitete destabilizuese nga Rusia, përfshirë edhe përpjekjen për një sulm me dron në aeroportin e Lajpcigut.
Berlini ka akuzuar drejtpërdrejt Moskën për aktivitete të tilla, ndërsa marrëdhëniet mes dy vendeve janë përshkallëzuar ndjeshëm javët e fundit, përfshirë mbylljen e konsullatave dhe qendrave kulturore.
