“Do bëjmë dasmën e madhe…”/ Integrimi, Rama: Plani i Von der Leyen tregon hapjen e BE drejt vendeve të Ballkanit Perëndimor

Për kryeministrin Edi Rama, plani i presidentes së Komisionit Europian, Ursula Von der Leyen për integrimin, tregon hapjen e Bashkimit Europian drejt vendeve të Ballkanit Perëndimor.

Në konferencën e përbashkët për shtyp në Tiranë, me Von der Leyan dhe kancelarin gjerman, Olaf Scholz, në kuadër të Samitit të Procesit të Berlinit, Rama deklaroi se sipas këtij plani, BE është e gatshme të marrë hapa shtesë që ka lidhje me anëtarësimin, qoftë financiarisht dhe gjithashtu sa i përket hapjes të një tregu të vetëm.

“Më lini që të përfundoj duke nënvizuar rëndësinë e lartë të këtij samiti sepse kam frikë se më pas do të diskutohen për fjalët se çfarë tha presidentja Von der Leyen apo kancelari Scholz. Çështja është se diçka thelbësore po ndryshon thelbësisht. Ne mund të diskutojmë sesa shumë kohë na është dashur dhe sa torturuese kjo rrugë është, por që prej agresionit rus, diçka ka ndyshuar thelbësisht. Ne mund ta shohim sepse ne jemi të detajuar ndaj çdo lëvizjeje, çdo buzëqeshjeje, çdo lëvizje syri kur njerëzit flasin. Nëse më parë, mund të shihnim dosa vende anëtare shumë pozitive, dhe disa vende anëtare të tjera skeptike, sot nuk është e njëjta gjë. Është një frymë e ndryshe sot.

Samiti ka sjellë disa rezultate të jashtëzakonshme, plani i Von der Leyen nuk është më si dikur, nuk është diçka si gjithë të tjerat, është i hapur dhe tregon se BE po hapet drejt vendeve jo anëtare të Ballkanit Perëndimor duke pranuar se janë të gatshëm, të marrin hapa shtesë që kanë lidhje me anëtarësimin, qoftë financiarisht dhe gjithashtu sa i përket hapjes të një tregu të vetëm. Nuk është një anëtarësim i plotë, sigurisht, por nuk është e njëjta gjë që ka ndodhur për vendet e tjera”, theksoi ai.

Rama: Samiti i Procesit të Berlinit ka hapur një rrugë që do të jetë më e zgjeruar vitin tjetër

Kryeministri Edi Rama theksoi se theksoi se Samiti i Procesit të Berlinit, që u mbajt këtë të hënë në Tiranë, ka hapur një rrugë që do të jetë më e zgjeruar vitin tjetër. Këtë koment ai e bëri në konferencën e përbashkët me kancelarin gjerman Olaf Scholz dhe presidenten e KE-së, Ursula von der Leyen.

“Ne kemi mësuar në mënyrën e keqe por duhet të shtyjmë sepse siç thonë gjithmonë BE iu mundëson vendeve diçka që nuk e gjen në asnjë vend tjetër, që nuk e mëson në libra, dhe është mënyra se si të ndërtosh një shtet me standarte demokratike dhe institucionet. Kush mund ta mësojë këtë gjë përveç BE-së. Unë mund të them se ky samit ka qenë historik dhe me atë këndvështrim ka hapur një rrugë që do të jetë më e madhe dhe e zgjeruar vitin tjetër dhe nga ana tjetër ne duhet të bëjmë detyrat tona.

Pasi mësova në mënyrën e keqe se të dalësh në një takim me BE-në nuk ka të bëjë me atë që sa e do por gjithashtu edhe me sa kohë kanë të pranojnë një takim. Tani nuk ka të bëjë me takime, tani është të bësh detyrat e shtëpisë për vendin dhe njerëzit e vendit tënd dhe kur yjet të bëhen bashkë ne do të bëjmë dasmën e madhe. Nuk ka rëndësi…në italisht thonë çifti i faktit jo i bekuar nga një kishë por një çift, ne po shkojmë drejt kësaj dalëngadalë por në mënyrë të qëndrueshme.“, u shpreh Rama./m.j