Disa muaj pas vdekjes, Bashkia e Lezhës ka vlerësuar me titullin “Mirënjohje e Qytetit” Gentjan Demaliaj, këngëtarin e bandës rrok “Djemtë e Detit”.
Titulli iu dorezua familjareve dhe anëtareve të bandës nga kreu i Këshillit bashkiak, Agostin Marku dhe kryetari i bashkisë Lezhë, Viktor Tushaj, që e cilësuan krenaria e qytetit, si pjesë e rëndesishme që ka lënë shenja në historinë e muzikës.
Kolegë të këngetarit të ndjerë performuan hitet e “Djemve të Detit”, ndërsa nuk munguan dhe kujtimet që u sollën nga miq dhe të afërm të Gentjan Demaliajt, pasionin e të cilit për muzikën po trashegohet denjësisht vajza e tij, Edea.
