Pas takimit me kreun e Partisë Demokratike Lulzim Basha në selinë blu, ambasadorja e Gjermanisë në Tiranë, Susanne Schütz, i është drejtuar në orët e mesditës së sotme selisë së Lëvizjes Socialiste për Integrim, ku po zhvillon një takim me kryetaren e kësaj partie Monika Kryemadhi.
Në fokus të diskutimeve mes tyre mendohet të jetë vendimi i opozitës për dorëzimin e mandateve të deputetëve por edhe protesta e ditës së nesërme që do të mbahet para Kuvendit.
Më herët ambasadori i BE-së, Luigi Soreca, në një prononcim për mediat pas takimit me Bashën u shpreh:
Soreca: Fola me secilin dhe është mjaft e rëndësishme për të ndarë këto pozicione. BE ka qenë mjaft i qartë, i kemi shpjeguar liderit të PD dhe pozicionin tonë. Është e rëndësishme për të folur dhe diskutuar. Nesër është një ditë e rëndësishme, presim që të mos jetë e dhunshme, procesi demokratik duhet të prevalojë.
E.Xh./
